ياهوه لحظات من فضلك   شورك على وين غاديبك
سر بالركاده على مهلك   اركد وغير اساليبك
ياصغير السن من جهلك   امنت في الناس ياطيبك
ماكل من ياتريقص لك   تحسب انه مغاليبك
ان جاء بوجهك توجهنيك   وان راح سماء يهذريبك
ولايحسب حساب لك   في كل محفل يلالي يك
في كل محنا يحنبلك   وان صاد عرضى يصلي بك
خذ الحذر قبل لاتهلك   عيون ربي تراعي بك
ياحلو حالي على رسلك   توك قليله تجاريبك
سبحان باريك من مثلك   الله عيونه تراعي بك
بكرة اليالي تبين لك   من هو عدوك ومن ذيبك
لوكنت ماغليك واجلك   سكت واقول وش الي بك
اسمع نصيحة مود لك   عن المتالف يداريبك
للخير يهديك ويدلك   على الطريق المودي بك
ودك تطاوعني احسن لك   ابيت وش عاد اسوي بك