عاد عيد الناس وين انت ياعيدي
كل ماتوعدني اخلفت ميعادي
والذي رفع السماء ماكسر قيدي
بعد عقده غير شوقي للجوادي
ود بالــوحده وجوه المناكيدي
كل وجه في المواجيب مرادي
الـيالي كيدها يصدع الحيدي
الجبال الـــراسيه منه تنادي
وردتني صافيات المـــواريدي
ثم صدتني وانا ضامي صادي
ليتها تصريف بصري وملك ايدي
كان فريت الزمن فـرمن بادي
واجعل ايام السنه كلها عيدي
وأنت ياعـيد الشقاء يومها العادي
واقلب البيداء بحروالبحربيدي
وانصب الوادي جبل والجبل وادي
واترك الامال من دون تقييدي
وأضهرالافراح فالحظروالبادي
هذي امالي وغاية مقاصـــيدي
خير مافيها نذاله ولا احقادي
وش يفيد الي ملا قلبه الكيدي
منه غيرالا التعاسه والانكادي
اخرتنا تحت صم الجلاميدي
حيث لايفرق رعيه من اسيادي
قبظة الي يبدي الخلق ويعيدي
مجري اقداره على كيف مارادي
له تسابيحي وحمدي وتوحيدي
مخلص(ن) اعلنت وسررت افرادي
والصلاه على النبي ابن الاماجيدي
الامين الصادق المهدي الهادي
رب ثبتني على الحق لااحيدي
والستر والرزق ياخير من جادي
انت من جودك يجود الاجاويدي
اغنني يارب عن كل نقادي
قيدتني سود الايام تقييدي
حيث مابدي ريت حضي الردي بادي
كن في صدري لهيب المواقيدي
تتاوقد من لضاها شوى اكبادي
لاتهيا خاطري للاناشيدي
قمت اباشرها مع كل ميرادي
لي تهل ازواج وإلا مـفار يدي
خذت شفي والبقيه لمن صادي