يالله ياللي ماخشى غير خوف منك خوف لا شريك له بملكه ولا يعبد سواه

فيك تشخص للبصاير ولك مد للكفوف ياكريم يكرمون الاكارم من عطاه

عارف اللي مانعرف شايف اللي مانشوف خافي سره والاسرار ماهيب تخفاه

لاجفانا القلل الي روابعهم ضعوف جعل ربي مايرينا غضبه ولاجفاه

لنقفل باب من الرزق حراسه وقوف فتحت بيبان الارزاق من كل اتجاه

والله اني شره وان هقوتي ترقا الشفوف غيرعيا يستحي الفقر من وجه الغناه

كم تعبنا نحسب الجهد يثمر ومخلوف وكل ماركزها على قوز تنطحها صفاه

راكب اللي مثل نمر غمش قدم الونوف شاص لند الفين تشفي على شوفه شفاه

لعترض روس الشطرطون قدام معطوف كالشفق الاحمر على نو من صحاه

فالطعوس البيض يزمي على روس الطنوف مثل ماتزمي لفوف الحليب من الرغاه

اليا انقرش من عالي العرق لكنه محذوف مثل حيد مومي من علوه لاوطاه

مثل شغموم على خدمة الاخوه ولوف ياتغانم شبت النار قدام اخويااااه

دق سلفه يانديبي وعاينت في زيته والبلوف لا قضيت الفرض الاول وفضت من الصلاه

نحره على بيت ابن ذرعان مدلهة الضيوف مافيه احد ماسند عونهم الا وجاه

عند ابو فارس تريح على بن وخروف وان نشد مفلح العلم قل علمي عفاه

اليا انشرح وضعي مثلك سلمت من الصدوف ان قدر وان ماقدر ماينقص من غلاه

ان قدر يجيك لزومي وملكتني بمعروف وان تعذر من لزومي عسى الدنيا فداه