ياجبل نيس اب في سما التهم الوسيع
كل ماهبت رياح الزمن زدت ارتفاع
مايهزك ريح ياالراسي الصلب الرفيع
عزك الله وانت ظلع حيوده ماتزاع
لاسموم القيض تشكي ولا برد الربيع
والغيوم الي تغطي على روس الفراع
ذات يوما تاتجلا وتثبت للجميع
انك الي ما تخفا ورى زيف القناع
اردف الونات قلبي من الفرقاء جزيع
ماجتمع شملي ولناس فرقاء واجتماع
قمت مكتوف الذراعين وامالي تضيع
اتخبط مثل الاعمى ضياع (ن) في ضياع
كم بغيت اشكي ورديت لصمت الوجيع
مالقيت الي من الناس يصغي الاستماع
غير شامت ياتبشر ونمام (ن) وضيع
يوم عيده لالقاء مالمصايب مايذاع
ليتنا مانفقد من الرجال الا الدنيع
والخساره تهون فالمال والدنياء متاع
المصيبه لاتجفاء لنا الكفوء الدنيع
ذاك في ميلات الايام مالا يستطاع